Оренбургдан 164 кыргызстандык кайтып келди

20-майда кечинде «Манас» эл аралык аэропортуна «TezJet» авиакомапаниясынын Оренбург - Бишкек багыты боюнча чартердик каттамы келип конду. Бул тууралуу республикалык штабдан кабарлашты.

Ага ылайык, бул каттам менен 164 кыргызстандык кайтарылды.

Алардын бардыгы обсервацияга жайгаштырылат.

Бул рейс Кыргызстан менен Россиянын тышкы иштер министрликтеринин макулдашуусунун негизинде ишке ашырылды.

Эске салсак, буга чейин социалдык тармактарда Оренбург облусунда талаада калган кыргызстандыктардын видеосу тараган. Алар ары, же бери кете албай калганын айтып, кыргыз өкмөтүнөн жардам сураган болчу.