Окумуштуу коронавирус тамак аркылуу жукпай турганын айтып чыкты

АКШнын Огайо штатындагы университеттин окумуштуусу Санджа Илич коронавирус тамак аркылуу жукпай турганын айтты. Анын мындай пикири MedicalXpress порталына жарыяланды.

Анын айтымында, коронавирус иче-карын инфекциясы болбогондуктан, ал тамак-ашта жашабайт. Тирүү вируска тирүү организм керек.

Ошол эле учурда ал илдетти супермаркеттерден жуктурууп алуу ыктымалдуулугу бар экенин четке какпайт. Окумуштуу ооруну жуктуруп албаш үчүн кишилердин ортосунда 2 метрге чейин аралыкты сактоо керектигин сунуштайт. Андан сырткары колду антисептик менен тазалап туруу дагы оорунун алдын алууга жардам берерин кошумчалады.

Адис азыркы кезге чейин тамак-аштан коронавирус жуктурдум деп ооруканага кайрылгандар болбогонун белгиледи.

Акыркы маалыматтар боюнча коронавирус 1,6 миллион кишиге жугуп, 90 миңге жакын кишинин өмүрүн алды.