Нурсултан Назарбаев өлкө башчыны жана кыргыз элин Жаңы-жылы менен куттуктады

Казакстандын президенти Нурсултан Назарбаев Сооронбай Жээнбековду жана өлкөнүн элин Жаңы жылы менен куттуктады. Бул тууралуу өлкө башчынын маалымат кызматы билдирди. 

«Казакстан элинин жана өзүмдүн атымдан Сизди Жаңы 2019-жыл менен чын дилимден куттуктайм.

Сизге чың ден-соолук, бакубатчылык жана  мамлекеттик ишиңизде ийгиликтерди, ал эми Кыргызстан элине — тынчтык жана гүлдөп өнүгүү каалайм», — деп айтылат Казакстан Президентинин куттуктоо телеграммасында.