Нооруз: ат оюндарынын байгесине 1 миллион 450 миң сом коюлат

Бишкекте жана Ош шаарында Нооруз майрамына карата ат оюндары өткөрүлөт. Бул тууралуу Жаштар, дене тарбяи жана спорт мамлекеттик агенттигинин басма сөз кызматы кабарлады.   

Көк-бөрү оюндарынын тандоо туру 15-марттан 21-мартка чейин Бишкек жана Ош шаарында болот. Бишкектин жогорку лигасында 6 команда ойнойт. Ош шаарында Ош областынын, Жалал-Абад жана Баткен областынын командалары ат салышат.

21-мартта эки шаарда көк бөрү, эр эңиш жана ат чабыш боюнча финалдык оюндар өткөрүлөт.

Оюндардын байге фондуна Бишкек шаарында 1 миллион 450 миң сом, Ош шаарында 400 миң сом коюлду.

Алгачкы оюндар бүгүн саат 10:00дөн башталат.