Ноокенде жайлоодон унаа тоодон кулап кетип, эки адам каза болду (сүрөт)

Ноокенде жол кырсыктан эки адам каза болуп, бир адам оор жаракат алды. Бул тууралуу ӨКМдин басма сөз кызматына таянып "Барометр" билдирет.

 17-ноябрда саат 09:00 чамасында Ноокен районунда Достук айылынын Бел жайлоосунда “Нива” үлгүсүндөгү унаасынын айдоочусу рулду башкара албай жолдон чыгып тоодон кулап кеткен. Кырсыктын кесепетинен унаанын жүргүнчүсү каза болуп, айдоочусу оор жаракат алган. Бүгүн жабыркаган адамдын маалыматы боюнча унаада дагы 1 адам бар болгон.

Жерине издөө иштерин жүргүзүү үчүн КР ӨКМнин 2-өзүнчө издөө куткаруу отрядынын куткаруучулары, Майлуу-Суу шаардык №83 ӨКБдан 2 куткаруучу, жергиликтүү тургундардан 20 адам тартылып, 1977-жылы туулган жаарандын жансыз денеси табылып ИИМ кызматкерлерине өткөрүлүп берилген.