Нарын шаарында турак жайдан газ баллон жарылды (Сүрөт)

Нарын шаарында турак жайдан газ баллондон өрт чыкты. Бул тууралуу ӨКМдин басма сөз кызматына таянып "Барометр" билдирет. 

Кечээ, 4-августта саат 10:47 чамасында Нарын шаарынын Ат-Башы көчөсүндө жайгашкан үйдөгү очокканадагы газ баллондон өрт чыкты. Ошол замат дарекке 1 өрт өчүрүүчү бөлүмчө барган. Чалгындоо иштери жүргүзүлүп, турак жайдын очокканасындагы кооптуу болгон газ баллонду сыртка алып чыгып, өздүк жардамы менен өрт коркунучу жоюлган. 

Өрттүн себеби: турмуш тиричиликке колдонулуучу газ жабдыктарынын туура эмес пайдаланышынан өрт кырсыгы келип чыккан.