Нарын облусунун инвестициялык логотиби даяр болду

Нарын облусуна инвестиция тартууда, туризм тармагын өнүктүрүү иштеринде жана жергиликтүү продукцияларды чыгарууда колдонуу үчүн Нарын облусунун логотиби иштелип чыкты. Ал облус жетекчиси Эмилбек Алымкуловдун 3-февралдагы буйругу менен бекитилген. Бул тууралуу өкмөттүн Нарын облусундагы ыйгарым укуктуу өкүлүнүн маалымат кызматы билдирди.

Облустун өзгөчөлүгүн чагылдырган логотипти мекеме-ишканаларга, туристтик фирмаларга, өндүрүштүк ишканаларга (менчигинин түрүнө карабай) өзгөртпөстөн колдонуу жагы сунушталууда. 

Логотипте Теңир Тоонун койнундагы Улуу Жибек Жолу, Таш-Рабат, Соң-Көл жана Нарын дарыясы сыяктуу Нарын облусунун өзгөчөлүктөрү камтылган. 

Логотипти иштеп чыгуу боюнча сынакка 5 адам катышкан. Алардын идеяларын жана эскиздерин негиз кылуу менен логотиптин тандалып алынган вариантын Нарын шаарынын башкы архитектору Эркин Рахатбек уулу иштеп чыккан.