Мыктыбек Арстанбек: Шайлоо таза өткөнүнө ишенем. Садыр Жапаровду жеңиши менен куттуктайм

Президенттик шайлоого талапкер катара катышкан жеке ишкер, журналист Мыктыбек Арстанбек шайлоонун жыйынтыгы алдын ала күтүлгөндөй болгонун айтты. Бул тууралуу анын соцтармактагы баракчасына жарыяланган маалыматына шилтеме берип “Барометр” билдирет.

“Шайлоо бүттү эми мурунку иш тартибине түшүшүбүз керек. Жашоо уланат, эми мындан ары да өсүп өнүгүүгө аракет кылышыбыз керек.

Шайлоодо мага үзөңгүлөш болгон мекендештериме башымды ийип таазим кылам. Мага ишеним көрсөтүп шайлап, мени төртүнчү орунга сүрөп чыккан шайлоочуларыма ыраазымын. 

Мен ойлойм, шайлоо таза өттү деп. Мен ушунча жылдан бери мындай таза өткөн шайлоону көргөн эмесмин. Ошондуктан, жаңы шайланган президентибизди жеңиши менен куттуктайм. Биз жаңы президент менен өзүбүздүн шарттарыбыздын негизинде иштешүүгө даярбыз. 

Ал эми, биз саясий багыттагы ишибизди мындар ары да жигердүү уланта беребиз. Жакынкы күндөрү “Нур” деген саясий партия ачканы турабыз”, - деди ал.

Ошону менен катары эле, ал шайлоонун жыйынтыгын тааный тургандыгын айтты.