Мурдагы жооптуу катчы Түркиянын жарандарынын иши боюнча кармалды

Президентке караштуу жарандык маселелер боюнча комиссиянын мурдагы жооптуу катчысы кармалды. Бул тууралуу бүгүн, 16-июлда Бишкек шаардык ички иштер башкармалыгынын басма сөз кызматына таянуу менен “Барометр” билдирет.

Бишкек ШИИБинин тергөө кызматы КРнын Кылмыш кодексинин 319 («коррупция») беренеси боюнча Түркиянын жарандарына Кыргызстандын жарандыгын берүү фактысы тууралуу сотко чейинки өндүрүш ишин баштады.

Мурдагы жооптуу катчы Э. А. Бишкек ШИИБинин убактылуу кармоочу жайына киргизилди.

Тергөө бул ишке башка адамдардын катыштыгы барбы же жокпу тактап жатат.