Мирбек Атабеков митингде сөз сүйлөп, Жээнбековду сындады

Ырчы Мирбек Атабеков да борбордук аянтта болуп жаткан митинге жубайы менен келди.

Ал эл алдына сөз сүйлөп, ошондой эле гимнден үзүндү аткарды. Ал өз сөзүндө президентти сындап, элди биримдикке чакырды.

Учурда Ала-Тоо аянтына чогулгандардын саны арбып жатат. Алар шайлоо таза өтпөй, добуш берүүнүн жыйынтыгы бурмалаганын айтып, кайрадан шалоо өткөрүүнү талап кылып жатышат.

Бул нааразылык митингине төкмө акын Азамат Болгонбаев, Манасчы Дөөлөт Сыдыков, эстрада ырчылары Мирбек Атабеков, Тата Улан, алып баруучу Назира Айтбекова баш болгон бир катар маданият өкүлдөрү да катышып, сөз сүйлөштү. Аянттагы абалды көзөмөлдөө үчүн милиция кызматкерлери тартылууда. Ыктыярчылар митинг катышуучуларына тамак-аш таратып жатат.

Таластан, Нарындан митингге катышуу үчүн ондогон адамдар жолго чыкканы маалым болду.