Милиция Бишкекте ок аткан жигитти кармады

Бишкекте тапанчадан ок чыгарган жигит кармалды. Бул тууралуу бүгүн, 24-ноябрда Ленин райондук ички иштер башкармалыгынын басма сөз кызматынан кабарлашканын “Барометр” билдирет.

Жаш жигит кыргызстандык социалдык түйүндөрдө видео тарагандан кийин белгилүү болду. Видеодогу кадрларда ал камуфляждык форма кийип алып эч себепсиз асманга ок чыгарганы тартылган.

Милициядан кабарлашкандай, инцидент 12-ноябрда түнкү саат үчтө Чүй проспектисинин жана Турусбеков көчөсүнүн кесилишинде болгон.

24-ноябрда милициялар 2002-жылы туулган Р.Б. аттуу жигитти Ленин райондук ИИБне бул ишке шектүү катары жеткиришти.