Мектеп окуучуларынын арасында «Зомбулукту Актаба!» аттуу сынак жарыяланды

Кыргызстанда мектеп окуучуларынын арасында «Зомбулукту Актаба!» аттуу сынак жарыяланды. Бул тууралуу Кыргызстандын юридикалык клиникалар ассоциациясынын маалымат кызматына шилтеме берип “Барометр” билдирет.

Бул сынак USAID-IDLO «Сотко ишеним» программасынын алкагында, Кыргыз Республикасынын Билим берүү жана илим министрлиги менен биргеликте Кыргызстандын юридикалык клиникалар ассоциациясы тарабынан уюштурулуп жатат.

Сынакка 9-11-класстарынын окуучулары катыша алышат.

Жеңүүчү командалар үчүн төмөнкү сыйлыктар каралган:

1-орун - команданын ар бир мүчөсүнө 1 ноутбук.

2-орун - команданын ар бир мүчөсүнө 1 телефон.

3-орун - команданын ар бир мүчөсүнө 1 телефон.

Катышууга бир мектептен бир гана топ катыша алат. Катышуу үчүн 3 окуучудан (алардын бири башка жыныста болушу керек) турган топ түзүп, төмөнкү талаптарды аткаруу керек:

1. Ссылка аркылуу 2021-жылдын 4-мартына чейин өз командаңыздын атынан катталуу:

https://forms.gle/V1p3pV8SQ7Um2cEy6

2. Сиздин топтун катышуусун тастыктагандан кийин, уюштуруучулардын маалыматтык билдирүүсүнө ылайык, гендердик жана үй-бүлөлүк зордук-зомбулукту изилдөө үчүн социологиялык онлайн сурамжылоо жүргүзүү - минималдуу 50 адам менен маектешүү;

3. Кыргызстандагы гендердик жана үй-бүлөлүк зомбулук темасында 2 мүнөттүк видеотасманы даярдап, жарыялоо;

4. Конкурстун облустук этабында калыстар тобунун алдында аткарылган иш жөнүндө презентация кылуу;

5. Конкурстун республикалык этабында калыстар тобунун алдында аткарылган иш жөнүндө презентация кылуу;

6. Көз карандысыз калыстар тобу үч жеңүүчү команданы тандап алат.

Бул республикалык конкурс Кыргызстандагы гендердик жана үй-бүлөлүк зомбулукту алдын алуу боюнча жаштардын активдүүлүгүн жогорулатууга багытталган. Сурамжылоонун жүрүшүндө катышууга топтор төмөнкү негизги суроолор боюнча маалымат алууга муктаж:

• Коомдогу гендердик жана үй-бүлөлүк зомбулукту ким кандай түшүнөт?

• Маектешкендер гендердик жана үй-бүлөлүк зомбулук учурларына канча жолу туш болушкан?

• Гендердик жана үй-бүлөлүк зомбулукка байланыштуу мыйзамдар менен таанышбы?

• Гендердик жана үй-бүлөлүк зомбулукка туш болгондо эмне кылуу керек?

Эпидемиологиялык кырдаалды эске алуу менен, сынактын бардык этаптары онлайн режиминде өткөрүлөт.