Марат Жантелиевдин сөөгү 11-июнда "Ала-Арча" көрүстөнүнө коюлат

Белгилүү актёр, куудул, КРдин эмгек сиңирген артисти Марат Жантелиевдин сөөгү 11-июнда "Ала-Арча" көрүстөнүнө коюлат. Бул тууралуу Бакен Кыдыкеева атындагы театрдын директору Темирлан Сманбеков билдирди.

Анын айтымында, актёрдун сөөгү Бишкектеги "Учкун" кичи районундагы өз үйүнөн чыгат.

"11-июнда 9:30да актёрду акыркы сапарга узатуу зыйнаты болуп, сөөгү "Ала-Арча" көрүстөнүнө коюлат. КР эмгек сиңирген артистин акыркы сапарга узатуу зыйнатына бийлик, маданият өкүлдөрү катышат" — деди Сманбеков.

Эске салсак, "Бопуш" лака паты менен калың журтка аты сиңген маданият кызматкери кечээ, 9-июнда 59 жаш курагында ооруканадан жан берди. Актёрдун көптөн бери боор жана бөйрөгү ооруп жүргөн. Артында бир уул, эки кызы калды.