"Манас" эпосун түркиялык профессор кыргыз тилинде китеп кылып чыгарды

“Манас” эпосун түркиялык фольклорчу, манас изилдөөчү кыргыз тилинде китеп кылып чыгарды. Бул тууралуу Тышкы иштер министрлигинин маалымат кызматына шилтеме берип “Барометр” билдирет.

Маалым болгодой, 26-апрелде Кыргызстандын Түркиядагы элчиси Кубанычбек Өмуралиев фольклорчу Хайреттин Ивгин менен жолугушкан.

“Жолугушуунун жүрүшүндө Ивгин кыргыз эпосунун негизинде жазылган жана буга чейин түп нускасы түрк тилинде жарыяланган "Манас" аттуу китебинин кыргыз тилине которулушу жана басылышы жөнүндө маалымат берди. Китеп азербайжан жана өзбек тилдерине да которулган, жакында казак, түркмөн жана орус тилдерине которуп, басып чыгарууну пландаштырууда. Автор белгилегендей, китептин кыргызча котормоосу Түркиянын кызматташтык жана координация агенттигинин (ТИКА) жардамы менен басылып чыккан.

Өз кезегинде Элчи Өмүралиев авторго «Манас» эпосун жана ошол эле учурда кыргыз маданиятын жайылтууга кошкон салымы үчүн ыраазычылыгын билдирди”, - деп айтылат маалыматта.