Кыргызстандагы коронавирус: илдет жуккандардын саны 871ге жетти

6-майга карата республика боюнча коронавирус илдетинин жаңы 28 учуру катталды. Бул тууралуу саламаттык сактоо министринин орун басары Нурболот Үсөнбаев маалымат жыйында билдирди.

Жаңы катталган учурлар төмөнкү аймактардан табылган:

Бишкек ш. – 16

Чуй облусу - 2

Жалал-Абад облусу - 6

Баткен облусу - 4.

Ошентип республика боюнча коронавирус жуккандардын саны 871ге жетти. Ошол эле учурда оорудан 614 бейтап айыгып, ооруканадан чыгарылды.

Ал эми өлкө боюнча коронавирустан 12 киши каза болду.