Кыргызстанда коронавирустан дагы бир бейтап каза болуп, жалпы 12 кишиге жетти

Кыргызстанда коронавирустан дагы бир киши (67 жаштагы аял) каза болду. Бул тууралуу Саламаттык сактоо министринин орун басары Нурболот Үсөнбаев маалымат жыйында билдирди.

Ал Бишкектеги Республикалык клиникалык жугуштуу оорулар ооруканасында дарыланып жаткан.

“Анда ошондой эле эки тараптуу пневмония, полиоргандык жетишсиздик синдрому жана баш мээсинде шишик диагноздолгон. Мындан тышкары бейтап порталдык гипертензиясы менен боордун циррозунан жана  эксудативдик плевриттен жабыр тарткан,” - деди Үсөнбаев.

Ошентип Кыргызстан боюнча коронавирустан 12 киши каза болду.