Кыргызстандагы коронавирус: илдет жуккандар 1082 кишиге жетти

14-майга карата республика боюнча коронавирус жуккан жаңы 38 учур катталды. Бул тууралуу саламаттык сактоо министринин орун басары Мадемин Каратаев билдирди.

Ага ылайык, жаңы катталган учурлар төмөнкү аймактардан табылган:

Бишкек ш. – 14

Чуй облусу - 4, алардын ичинен 2 учур Соль-Илецктен келгендерден

Ош ш. - 1

Жалал-Абад облусу - 4

Нарын облусу - 15

Ошентип, илдет жуккандардын жалпы саны 1082ге жетти. Ошол эле маалда республика боюнча  жалпы 735 бейтап айыгып, ооруканадан чыгарылды.