Кыргызстанда укук коргоо органдарында иштеген 27 кызматкерге коронавирус жукту

Кыргызстанда 4-майга карата укук коргоо органдарында иштеген 27 кызматкерге коронавирус жукканы ырасталды. Бул тууралуу Коомдук саламаттык сактоо башкармалыгынын башчысы Айнура Акматова маалымат жыйында билдирди.

Анын айтымында, 10 кызматкер республикалык клиникалык-инфекциялык ооруканасында дарыланган.

“Алардын бардыгы ооруканадан чыгарылды. Дагы 10 киши дарыланууда. Кечээ кечинде дагы жети кызматкер келип түштү”, — деди ал.

Эске салсак, өлкө боюнча коронавирус илдети 830 кишиге жукту.