Кыргызстанда коронавирус жуккандардын саны 1313 кишиге жетти

21-майга карата Кыргызстан боюнча коронавирус жуккан жаңы 43 учур катталды. Бул тууралуу саламаттык сактоо министринин орун басары Нурболот Үсөнбаев маалымат жыйында билдирди.

Анын айтымында, жаңы катталган учурлар төмөнкү аймактарда табылган.

Бишкек ш. – 22 + 1 Санкт-Петербургдан келгендерден

Ош ш. - 5

Чүй облусу - 1

Ош облусу - 4

Нарын облусу - 8

Баткен облусу - 2.

Ошол эле учурда Республика боюнча бүгүнкү күнгө чейин жалпы 929 бейтап айыгып, ооруканадан чыгарылды.