Кыргызстанда ишмердиги жандана турчу тармактардын тизмеси жарыяланды

1-июндан тартып санитардык-эпидемиологиялык ченемдерди катуу сактоо менен экономикалык жана социалдык чөйрөлөрдөгү иштин бардык түрлөрү ишин баштайт. Бул тууралуу республикалык штабдан кабарлашты.

Ошол эле учурда, экономикалык иш-аракеттердин төмөнкү түрлөрү боюнча айрым чектөөлөрдү калтыруу сунушталууда. Алар:

• маданий, спорттук, илимий, үй-бүлөлүк, эскерүү иш-чараларын өткөрүү;
• көңүл ачуучу жайлардын ишмердүүлүгү;
• балдар оюн-зоок жайларынын, оюн аянтчаларынын ишмердүүлүгү;
• интернет-клубдардын, ошондой эле компьютердик оюн жайларынын ишмердүүлүгү;
• мектепке чейинки билим берүү жаатындагы уюмдардын ишмердүүлүгү.

Андан сырткары 21-майдан тарта төмөнкү тармактар иштеп баштайт.

• Калкты тейлөө борборлору, паспорттоштуруу жана ЖААК бөлүмдөрү, “Унаа” Мамлекеттик мекемеси;
  
• Калкты тиричиликтик жактан тейлөө борлорлору: бут кийим, саат оӊдоо, эмерек чогултуу жана оӊдоо;
• Соода-сатык чөйрөсү:
  
• Менчик (жеке) репетиторлордун кызмат көрсөтүүлөрү;
  
• Менчик үй-бүлөлүк мончолордун жана СПА-борборлордун кызмат көрсөтүүлөрү, коомдук мончолорду жана сауналарды кошпогондо;*
  
• Мейманканалардын ишмердүүлүгү, бассейндерди жана спортзалдарды кошпогондо.
  
  25-майдан тарта төмөнкүлөр ишмердүүлүгүн жандантат:
  
• ️Кийим-кече сатуучу базарлар;
• ️50 орундан ашпаган коомдук тамактануу түйүндөрү, жайкы кафелер жана ресторандар (коноктор менен үстөлдөрдүн ортосундагы 1,5-2 м аралыкты так сактоо менен), соода-оюн-зоок борборлорунда жайгашкан фуд-кортторду кошпогондо;*
• ️Театрлардын, музейлердин, көргөзмө залдарынын жана галереялардын, китепкана жана маданий-агартуучу жайлардын ишмердүүлүгү;*
• ️Коомдук транспорт: автобустар, троллейбустар жана кичи автобустар.