"Кудайдын жана кыргыз элимдин алдында ант беремин". Садыр Жапаров ант берди

Садыр Жапаров 28-январда Улуттук филармонияда инаугурация салтанатында ант берди.

"Мен Жапаров Садыр Нуркожоевич Кыргыз Республикасынын президентинин кызматына киришип жатып Кудайдын жана элимдин алдында мамлекет башчысынын ыйгарым укуктарын адилеттүү ишке ашырууга, жарандардын укуктарын коргоого, элибиздин, мамлекетибиздин бүтүндүгүн коопсуздугун сактоого ант беремин", - деп Кыргызстан элине убада берди.

Ага президенттик күбөлүк, төш белги жана штандарт тапшырылды.

Эске сала кетсек, ант берүү аземин чагылдырууга журналисттер киргизилген жок. Баардык ММК өкүлдөрү коомдук каналдын түз алып берүүсү аркылуу гана элге маалымат жеткирип жатышат.