Коронавирусту тез аныктай турчу тесттер Жалал-Абадга көбүрөөк жөнөтүлдү

Адамда коронавирустун бар-жогун 20 мүнөттө аныктай турчу дагы 5000 экспресс-тест алынып келди. Алардын көбү Жалал-Абад облусуну жөнөтүлдү. Бул тууралуу COVID-19: Республикалык штабынан кабарлашты.

Мындан сырткары кошумча тесттер Россиядан дагы келет.

Республикалык штаб оорунун белгилери (ысык дене табы, кургак жөтөлү) жок жана ооругандар менен байланышта болбогон адамдар эскпресс-тесттерин тапшыра албай турганын эскертет.

Акыркы маалыматтар боюнча Кыргызстанда коронавирус 14 адамдан табылып, алардын бирөөсүнүн абалы начарлап, реанимацияга жаткырылды.