Коронавируска карабай микрокредит алган калктын саны көбөйүүдө

Былтыркы жылга салыштырмалуу быйыл микрокредит алган калктын саны көбөйүүдө. Бул тууралуу Улуттук статистика комитети билдирди.

Маалыматка караганда, үстүбүздөгү жылдын биринчи кварталында чакан насыя берүүчү уюмдар тарабынан 6 924,3 миллион сом суммасында кредит берилип, алуучулардын саны 143,9 миң адамды түздү.

Эң көп сумма Ош облусунун (берилген микрокредиттердин жалпы көлөмүнүн 20,4%), Бишкек шаарынын (17,1%), Жалал-Абад (14,9%) жана Чүй облустарынын (14%) тургундарына берилген.

Алардын 35,1% айыл чарбадагы ишмердикти өнүктүрүүгө алынган болсо, 11,7% соода жана коомдук тамак-аш чөйрөсүнө керектөө үчүн алынган.