Коронавирус Орто-Сай базарынан жугушу мүмкүн. Ал дезинфекциялоо үчүн жабылат

Бишкектеги Орто-Сай базары дезинфекциялоо үчүн жабылат. Бул тууралуу вице-мэр Татьяна Кузнецова Бишкек шаарынын социалдык маселелер боюнча кеңешинин отурумунда билдирди.

Бир нече адам коронавирустун белгилерин байкап кайрылышкан. Илдеттин жугузуп алуу булагын аныктоо учурунда буга чейин алар Орто-Сай базарына барганын билдиришкен.

Акыркы күндөрү Саламаттыкты сактоо министрлиги COVID-19 менен ооруган жарандар көп экендигин, алардын инфекция булагы аныктала электигин билдирди.  Мындан тышкары, жарандар көп чогулган жерлерде - базарларда, жарандарга кызмат көрсөтүлүп жаткан мекемелерде көбүрөөк жукканын көрүүгө болот.