“Коопсуз шаар” долбоору боюнча сынакка кайсы компаниялар катышканы азырынча белгисиз

“Коопсуз шаар” долбоору боюнча сынакка кайсы компаниялар катышканы 23-августта белгилүү болот. Маалыматтык технологиялар жана байланыш комитетинен билдиришкендей, “Коопсуз шаар” долбоору боюнча сынакка кайсы компаниялар катышканын аныктоонун убактысы 23-августка  жылдырылды. 

Буга чейин айтылгандай, сынакка кайсы компания катышканы бүгүн, 10-августта гана белгилүү болмок. 

Маалымдалгандай бул сынакка катышууга 3-4 компания кызыгуусун билдирген.

Белгилей кетсек, “Коопсуз шаар” долбоору боюнча сынак онлайн түрдө өтөт. Долбоор боюнча сынак 20-июлда жарыяланган.