Кочкордогу жол кырсыгынан бир аял жана өспүрүм кыз жабыркады

Кочкор районунда болгон жол кырсыгынан эки адам жабыркады. Бул тууралуу Өзгөчө кырдаалдар министрлигинин басма сөз кызматы кабарлаганын “Барометр” маалымдайт.

Ведомство берген маалыматка таянсак, Бишкек-Нарын-Торугарт жолунун 170-чакырымында же болбосо Семиз-Бел айылынын тушунда «Ауди 80» унаасынын айдоочусу рулду башкара албай калып, унаа ала салып кеткен.

Кырсыктан 1974-жылы туулган Э.Н. жана 2007-жылы туулган Э.К. жабыркады.

Кырсык болгон жерде 4 куткаруучу иштеп, жабыркагандарды унаадан чыгарып тез жардамдын бригадасына өткөрүп беришти.

Жабыркагандардын абалы орто деп бааланууда.