Өкмөт: той өткөргөндөр дагы, ресторанды ижарага бергендер дагы жазага тартылат

Коронавирустун жайылышынын алдын алуу жана аны болтурбоо боюнча республикалык штабдын башчысы, вице-премьер Алтынай Өмүрбекова коронавирустан улам кабыл алынган тыюуларга карабай той өткөргөндөр жоопко тартыла турганын маалымат жыйында билдирди.

Өмүрбекова өз сөзүндө өкмөт буга чейин ири иш-чараларды өткөрбөй туруу боюнча сунушту бергенин кошумчалады.

“Той өткөргөндөр менен ресторанды ижарага берген тараптар мыйзам алдында жооп берет”, — деди ал.

Вице-премьер эпидемиологиялык абалды билип туруп башкалардын ден соолугун дагы коркунучка кириптер кылгандар Кылмыш жаза кодексинин жана Бузуулар кодексиндеги беренелер боюнча жоопко тартыла турганын белгиледи.