Кара-Кулжада пушка менен карды атып түшүрүп башташты

Бүгүндөн тарта Кыргыз Республикасынын Өзгөчө кырдаалдар министрлиги көчкү коркунучу бар бийик тоолордогу карды атып түшүрүү ишин баштады. Бул тууралуу ӨКМдин маалымат кызматы кабарлайт. 

Министрликтин Гидрометеорология боюнча агенттигинин болжолдоосуна ылайык, Мырза-Аке-Кара-Кулжа-Алайкуу (74-76, 88-89- жана 100-115-чакырымдарында) жана унаа жолдорунда 2018-жылдын 8-февралынан 12-февралына чейин  артиллериялык куралды колдонуп, кар көчкүсүн атып түшүрүү зарылдыгы келип чыккан.