Жоламан Шаршенбековдун атаандашы белгилүү болду

Кыргызстандын грек-рим стилиндеги балбандары Норвегиянын Осло шаарында спорттук күрөш боюнча өтүп жаткан дүйнө чемпионатында өздөрүнүн атаандаштары менен таанышты. Бул тууралуу “Барометр” билдирет.

Грек-рим күрөшү боюнча турнир бүгүн, 7-октябрда башталат.

Токиодо өткөн Олимпиада оюндарынын катышуучусу жана дүйнөнүн вице-чемпиону Жоламан Шаршенбеков бүгүн 60 кг салмакка чейинки балбандар арасында күч сынашат.

Анын 1/8 финалдагы атаандашы Белорусиядан келген Максим Кажарски болмокчу.