Жогорку Кеңеш, УКМК дагы кайсы жерлерге митинг өткөрүүгө тыюу салынды

 Бишкек шаарынын бир нече жерлерине митингдерди өткөрүүгө тыюу салынды. Бул тууралуу Бишкек мэриясынын маалыматына шилтеме берип "Барометр" билдирет.

Маалыматка ылайык, Биринчи май райондук сотунун 2022-жылдын 12-апрелиндеги чечиминин негизинде Россия Федерациясынын элчилигинин имаратынын жанында, Ала-Тоо аянтында, Жогорку Кеңештин, Кыргыз республикасынын Президентинин Администрациясынын, Кыргыз Республикасынын Улуттук коопсуздук мамлекеттик комитетинин  имараттарынын жанында тынч чогулуштарды өткөрүүгө  тыюу салынган.

"Тынч чогулуштар 2022-жылдын 12-апрелинен 1-сентябрына чейин  Рыскулов жана Исанов көчөлөрүнүн кесилишинде жайгашкан Максим Горький аянтында өткөрүлөт.

Бишкек шаарынын мэриясы шаардыктарды соттун чечиминин талаптарын аткарууну чын жүрөктөн суранат", -деп айтылат маалыматта.