ЖК комитети вице-премьерликке Аида Исмаилованын талапкерлигин жактырды

Аида Исмаилованы КР вице-премьер-министри кызматына, Сабиржан Абдикаримовду Саламаттыкты сактоо министринин кызмат ордуна Социалдык маселелер, билим берүү, илим, маданият жана саламаттык сактоо боюнча комитети колдоду. Бул тууралуу депутат Жанар Акаев билдирди.

Эске салсак, 1-апрелде президенттин буйругу менен вице-премьер Алтынай Өмүрбекова менен Саламаттык сактоо министри Космосбек Чолпонбаев кызматтан алынган.