Ысык-Көлгө кызматтык унаасын айдап кирип сүрөткө түшкөн милицияны сынга алышууда

Патрулдук кызматтын кызматкери унаасы менен Ысык-Көлдүн жээгине чейин барып сүрөткө түшкөнү социалдык түйүндөрдүн колдонуучуларынын нааразылыгын пайда кылды.

Фото сүрөт социалдык тармактарга тарап жатат.

Эскерте кетсек, Кыргызстандын суу объектилери жана сууну сактоо аймактары боюнча жобого ылайык суунун жээгине унаа жана айыл чарба техникаларын токтотууга жана аларды жууганга болбойт.

Учурда милиция кызматкеринин өздүгү такталууда.