Ысык-Көлдө жол кырсыгынан 23 адам жабыркап, экөө каза болду

Ысык-Көлдө жол кырсыгынан эки адам каза болду. Бул тууралуу ӨКМнын маалымат кызматына шилтеме берип "Барометр" билдирет.

Маалым болгондой, кырсыктан, бүгүн,  3-августта саат 7:40 чамаларында Балыкчы –Ананьево – Каракол унаа жолунун 24-чакырымында  Mercedes-Benz Sprinter жана MITSUBISHI  үлгүсүндөгү унаалар кагылышты.

"Кырсык болгон жерге Балыкчы шаарынын №19 өрткө каршы куткаруу бөлүмүнөн 4 куткаруучу тартылып, биринчи медициналык жардам көрсөтүшкөн.

Жол кырсыгында жалпы 23 адам кырсыкка учурап, жаракат алган 3 адам  Балыкчы шаарынын оруканасына жеткирилген. Жеринде каза болгон эки адамдын сөөгүн ИИМ кызматкерлерине куткаручуулар өткөрүп беришкен", -деп айтылат маалыматта.