Бишкек шаарында жана Чүй облусунда жол кыймылына убактылуу чектөө киргизилди

2025-жылдын 25-ноябрынан баштап 27-ноябрына чейин Бишкек шаарынын жана Чүй облусунун айрым көчөлөрүндө унаа кыймылы үчүн убактылуу чектөөлөр киргизилди.  Бул тууралуу ИИМдин Басма сөз кызматы билдирди.

Убактылуу чектөөлөр Жаматтык коопсуздук жөнүндө келишим уюмунун (ЖККУ) Коопсуздук кеңешинин кезектеги сессиясынын өтүшүнө байланыштуу коюлган.

Төмөндө чектөө киргизилген көчөлөрдүн тизмеси:

• «Манас» Эл Аралык Аэропорт жолу Бишкек шаарынын чегине чейин;
• Фучик көчөсү Бишкек шаарынын чегинен  тартып, Чүй проспектисине чейин;
• Чүй проспектиси Фучик көчөсүнөн тартып, чыгышты карай Манас проспектисине чейин;
• Манас жана Ч.Айтматов көчөлөрү түштүктү карай, «Ала-Арча» мамлекеттик резиденциясына чейинки бөлүгү;
• Ж. Абдрахманов, С. Ибраимов жана М.Фрунзе көчөлөрүнүн айрым бөлүктөрү.

Ички иштер министрлиги  жарандарды жогоруда көрсөтүлгөн жол жээктерине унаа каражаттарын калтырбоого, зарыл болбосо оор жүк ташуучу унаалар менен жолго чыкпай турууга жана жол кыймылынын жөнгө салып турган кызматкерлердин талаптарына баш ийип, Жол кыймылынын эрежелерин так сактоого чакырат.

"Урматтуу кыргызстандыктар жана республиканын меймандары, өз каттамдарыбызды алдын ала мерчемдеп, ушул күндөрү колдонулуп жаткан убактылуу чектөөлөргө түшүнүү менен мамиле кылууңуздарды суранабыз", - деп айтылат маалыматта.

ИИМдин Басма сөз кызматы