Манас шаарында топ балдар мушташты

20 ноябрь 2025 12:22 Barometr
Бөлүшүү:
ok

Манас шаарында мушташкан топ балдар тергөөгө жеткирилди. Бул тууралуу Жалал-Абад ОИИБдин Басма сөз кызматы билдирди.

2025-жылдын 18-ноябрдан 19-ноябрга караган күнү түнкү 01:00 чамасында Манас ШИИБдин  нөөмөт бөлүмүнө чалуу түшкөн. 

Анда Манас шаарынын Спутник кичи районунда  Азык-Ордо маркетинин жанында 15-20  топ балдар бири-бирине таш ыргытышып,  урушуп жатканы кабарлаган.

Аталган маалымат Манас ШИИБдин тергөө кызматы тарабынан, кылмыштардын бирдиктүү реестрине КРнын кылмыш жаза кодексинин 280-беренеси (Бейбаштык) менен катталып, кылмыш иши козголгон.

Окуя болгон жерге Манас ШИИБдин ыкчам тергөө  тобу барып,  фото видео каражаттарды пайдалануу менен кароо жүргүзүшүп, окуяга күбө болгон жарандардан түшүнүк каттар алынган. 

Ал эми аталган окуяда 22 жаштагы  Э.Б аттуу жаран денесинен жаракат алып  Сузак райондук ооруканада жандандыруу бөлүмүнө  жаткырылып, ага карата соттук-медициналык экспертиза дайындалган.

Тергөө  амалдарынын жүрүшүндө окуяга шектүү катарында Манас шаарынын 22-23 жаштагы 11 тургуну аныкталып, тергөөгө камсыз кылынды.

Учурда тергөө амалдары жүрүп жатат.


Ссылка: https://barometr.kg/manas-shaarynda-top-baldar-mushtashty



Добавить комментарий