Ысык-Көлдө жол кырсыгы 4 адамдын өмүрүн алып кетти

Ысык-Көл облусунда жол кырсыгынын кесепетинен төрт адам каза болду. Бул тууралуу Өзгөчө кырдаалдар министрлигинин басма сөз кызматына шилтеме берип "Барометр"  билдирет.

 Маалыматка ылайык, жол кырсыгы Балыкчы – Ананьево – Каракол унаа жолунда катталып, анын кесепетинен төрт адам каза болду.

 "Ысык-Көл облусунун Ысык-Көл районун басып өткөн Балыкчы – Ананьево – Каракол унаа жолунда Volvo менен Volkswagen Passat үлгүсүндөгү унаалардын катышуусунда жол кырсыгы катталган. Комсомол айылында таңкы саат 5:55те болгон кырсыктын кесепетинен 4 адам, тактап айтканда 3 эркек жана 1 аял каза болгон", - деп айтылат маалыматта.

Жерине 4 куткаруучу тартылып, каза болгондордун жансыз денелерин унаадан чыгарып ИИМдин кызматкерлерине өткөрүп беришкен.