Ысык-Атада жоголуп кеткен 13 жаштагы кыз табылды

Ысык-Ата районунун ички иштер бөлүмүнүн кызматкерлери тарабынан үйүнөн чыгып кетип кайтып келбей калган кыз тез арада табылды. Бул тууралуу Чүй областынын ички иштер башкы башкармалыгынан басма сөз кызматынан кабарлашты. 

22-апрелде Ысык-Ата районунун Эпки айылынын 44 жаштагы тургуну 13 жаштагы кызы жоголуп кеткенин айтып арыз берген. Кыз 21-апрелде үйүнөн чыгып кеткен бойдон кайтып келген эмес.

Милиция кызматкерлери кыздын жакындарынын, классташтарынын жардамы менен издөө иштерин баштап, өспүрүмдүн Бишкекте жүргөн жерин аныкташкан.Учурда кыз ата-энесине өткөрүлүп берилди.