Ырчы Азиз Батыров Өзбекстандагы “Артист” долбооруна катышууда (Видео)

Ырчы Азиз Батыров Өзбекстандагы “Артист” долбооруна катышууда. Бул тууралуу ырчынын социалдык тармактагы баракчасына шилтеме берип «Барометр» билдирет.

Аталган сынаккы 600дөн ашуун өнөр адамдары катышып, андан суурулуп чыккан 15 мыктынын ичине кыргыз желегин желбиретип Азиз Батыров да кошулду.

“Өзбекстан өлкөсүндө Кыргызстаныбыздын намысын колуман келишинче коргодум. Өзбекстандын борбору болгон Ташкентте өтүп жаткан “Артист” долбооруна ырчылардын жарышына 600 дөн ашык өнөрпоз катышты эле алардын арасынан тандалып алдыңкы 15 мыкты ырчылардын катарына кошулдук. Мени колдоп жаткан баардык күйөрмандарыма, өнөрүмдү сыйлаган ар бириңиздерге терең ыраазычылык билдиремин жана Кыргызстан калкы баарыңыздарды куттуктаймын. Менин баса белгилеп айтчу кебим, мен өмүрүмдүн аягына чейин Кыргызстандын намысы үчүн күрөшөмүн, желегибиз бийиктерде желбирешине колумдан келишинче аракет кыламын", - деп жазды Батыров.