WhatsApp Индиянын өкмөтүн сотко берди

WhatsApp мессенджеринин өкүлдөрү Индия өкмөтүнө каршы интернет платформаларын жөнгө салуунун жаңы эрежелери боюнча сотко кайрылышты. Бул тууралуу WhatsApp мессенджеринин командасы берген маалыматка шилтеме берүү менен “Барометр” билдирет.

“Делинин жогорку сотуна берген доо арызында компания технологиялык компаниялардан жеке билдирүүлөрдү жөнөтүүчүлөр жөнүндө маалымат берүүсүн талап кылган жаңы эрежелер индиялыктардын конституциялык купуялуулук укугун бузат деп эсептейт.

Бул WhatsApp маалымат жиберген адам жөнүндө маалымат берүүгө милдеттүү болгон жобо. Жаңы эрежелер мессенджердин мыйзам бузууларына шектелген колдонуучуларга таасир эткенине карабастан, алар башка адамдардын маалыматтарын ачыкка чыгарууга алып келет, бул WhatsAppка ылайык кабыл алынгыс.

Мессенджерде берилген билдирүүлөр учтан-учка шифрлөө менен корголгону көрсөтүлгөн. Бул өз кезегинде, билдирүүнү жөнөткөн адам жөнүндө маалымат ачыкка чыкса, алуучу жөнүндө маалыматтар дагы ачыкка чыгат дегенди билдирет.

"Жазышуу колдонмолорунан маектешүүнү көзөмөлдөө талабы бизден WhatsAppка жөнөткөн ар бир билдирүүңүздүн манжа изин сактоону суранганга окшош, бул аягына чейин шифрлөөнү бузуп, адамдардын жеке жашоосуна олуттуу доо кетирет", - деп айтылат WhatsAppтын билдирүүсүндө.

Өкмөттүн өкүлүнүн айтымында, мессенджер мыйзам бузуучуларды шифрлөөнү бузбастан аныктоонун жолун таба алат. Бирок арыз кайсы убакытта каралары азырынча белгисиз.

Эксперттердин айтымында, сот процесси Индия өкмөтү менен технологиялык гиганттардын, анын ичинде WhatsApp, Google жана Twitter социалдык тармагына ээ Facebook компаниясынын ортосундагы тирешүүнү күчөтүүдө”,- деп айтылат мааалыматта.

Эске салсак, өткөн жумада Индия бийлиги интернет платформаларына өлкөдөгү коронавируска байланыштуу кырдаал жөнүндө, анын ичинде коронавирустун индиялык штаммы жөнүндө бардык маалыматтарды алып салууга буйрук берген.