Владислав Шулико Ысык-Көлдү сүзүп өтүүнү баштады

Спорт чебери Владислав Шулико Ысык-Көлдү узундугу боюнча сүзүп өтүүнү баштады. Бул тууралуу Өзгөчө кырдаалдар министрлигинен кабарлашканын “Барометр” маалымдайт.

Спортчу кечээ, 22-августта саат 07:30да Каракол шаарында старт алды. Ал аталган калаадан Балыкчы шаарына чейин сүзүп келмекчи.

Буга чейин дүйнөнүн баардык спортчулары Ысык-Көлдү узатасынан сүзүп өтүүдөн баш тартышкан.

“Issyk-Kul Swim” долбоорунун алкагында Владислав Шуликонун коопсуздугун камсыздаш үчүн 5 суучул эки моторлуу кайыкта коштоп келмекчи.

Алар 181 чакырымда 5 күндө өтүүнү пландаган спортчунун жанында дайыма болушат.