Видео. Мирбек Атабеков "Ала-Тоо" аянтындагы карды тазалап жаткан кызматкерлерге ырдап берди

Эстрада ырчысы Мирбек Атабеков “Тазалык" муниципалдык мекемесинин кызматкерлерине ырдап берди. Бул тууралуу ал социалдык тармактан билдирди.

Видеодо, ырчы 23-декабрда Бишкек шаарынын "Ала-Тоо" аянтында калың жааган карларды жумушчулар тазалап жатканына күбө болгону айтылат.

Иштеп жатышкан ага-эжелер эстрада жылдызынан ырдап берүүсүн суранышкан. Мирбек Атабеков “Мөлмөлүм” ырын ырдап жатканда жумушчулар да кошулуп шаңдуу ырдашып, бийлешип маанайларын көтөрүшкөн.

Атабеков эшиктин суугуна карабастан  эмгектенген ага-эжелерге ыраазычылыгын билдирди.