Мирбек Атабековдун жубайы Америкада жол кырсыгына кабылды

Атактуу ырчы Мирбек Атабековдун жубайы Мээрим Төлөпберген Америкадан жол кырсыгына кабылды. Бул тууралуу анын соцтармактагы баракчасындагы маалыматка шилтеме берип "Барометр" билдирет.

Белгилүү болгондой, жол кырсыгынан эки тарап тең оор жаракат алышкан эмес.

"Америкада биринчи жолу жол кырсыгына кабылдым. Өзүмдө баары жакшы, болгону шок болдум. Унаанын багажы жана бампери талкаланып кетти. Ажылдап урушкан жокбуз. Жөн гана акыбалдарыбызды сурашып телефон номурларыбызды  алмашып кетип калдык.

Экинчи унааны да аял киши башкарып бара жатыптыр. Ал алаксып кетиптир жана дистанцияны да сактаган эмес. Күнөөнү өз моюунуна алды. Эми унааларды камсыздандыруучу компаниялар жасап берет", -деп жазды Мээрим Төлөпберген.

Эскерте кетсек, Мирбек Атабековдун жубайы жана балдары бир жылдан ашык убакыттан бери АКШда жашайт.