Вице-премьерликке Мадумаров менен Суваналиевдин талапкерлиги көрсөтүлүүдө. Кимди колдойсуз?

“Ак үйдөгү” көшөгө артында айтылган маалыматтар боюнча вице-премьерликтен кеткен Жеңиш Разаковдун ордуна эки кишинин талапкерлиги каралууда. Бул тууралуу “Барометр” маалымат агенттигине өкмөттөгү ишенимдүү булактар билдирди.

Тактап айтканда вице-премьерликке Акрам Мадумаров менен Өмүрбек Суваналиевдин талапкерлиги көрсөтүлүүдө.

Жеңиш Разаков 11-февралда вице-премьерликтен кеткен. Маалыматка ылайык, ал кызматтан кетүү үчүн өзү арыз жазган.

Белгилей кетсек, Мадумаров учурда өкмөттүн Баткен облусундагы ыйгарым укуктуу өкүлү болуп иштейт. Ал бул кызматка былтыр 2019-жылы апрелде дайындалган.

Ал эми Суваналиев 2019-жылы февралда Кыргызстандык Коопсуздук кеңешинин катчысынын орун басары болуп дайындалган.