Шевченкону Голливуддун жылдыздары колдоп жатышат. Алдыдагы беттешине ийгилик каалап койолу

UFCнин чемпиону, Кыргызстандык мушкер Валентина Шевченко алдыда боло турган мушташта аны колдогон Голливуддун жылдыздары жана атактуу спортсмендерине ыраазычылыгын билдирди. Бул тууралуу анын соцтармактагы баракачасындагы маалыматка шилтеме берип “Барометр” билдирет.

Кыргызстандык чемпион кызды Голлувуддун актёру, сценаристи, профессионалдуу боксёру Микки Рурк колдоп, ага жан тартарын билдирген.

“Мен ишенем, анын жеңишке жетерине”, - деген билдирүү калтырган Микки Рурк.

Ал эми, өз кезегинде Шевченко актёрго ыраазычылык билдирип, ал тартылган кино тасмаларды сүйүп көрөрүн айткан.

“ Урматтуу Микки!

21-ноябрда боло турган мушташыма колдоо көрсөткөнүңүз үчүн рахмат. 

Чыныгы спортсменден, кесипкөй боксчудан жана супер жылдыздан колдоо табуу мен үчүн чоң сыймык!

Менин эң сүйүктүү кинолорумдун бири “Харли Дэвидсон” жана “Марлборо Адам””, - деп жазды Шевченко.

Эскерте кетсек, Кыргызстандык мушкер айым Валентина Шевченко  UFCнин аялдар арасындагы эң жеңил салмактагы чемпиондук курунун ээси. Ал 21-ноябрда UFC255 беттешинде чемпиондук курун коргойт.