Узак жашоонун сыры кадимки биз колдонуп жүргөн көк чайда экенин билчү белеңиз?

Узак жашоонун сыры күнүмдүк жашоодо биз колдонуп жүргөн көк чайда экенин буга чейин билбесеңиз керек. Бул тууралуу Food.news сайтына шилтеме берүү менен “Барометр” билдирет.

Кытайда миңдеген жылдардан бери көк чай бааланып, ал ден-соолукка пайдалуу суусундук катары колдонулуп келет. Көк чай өзүнүн даамы жана стимулдаштыруучу касиеттери менен белгилүү. Анын ден-соолукка болгон пайдалуулугу күчтүү иммундук системадан узак жана дени сак жашоого чейин алып келет. Көк чайды өсүмдүктөрдөн жасалган суусундук катары колдонуудан тышкары, көптөгөн рецепттерге, мисалы, булочка, салат жана фри картошкасына кошсо болот.

Табигый түрдө өсүмдүктөрдө кездешүүчү микроэлементтердин тобу - полифенолдордун мыкты булагы экендиги белгиленди. Алар антиоксиданттардын милдетин аткарышып, организмдин клеткаларын эркин радикалдардын сезгенүүсүнүн зыяндуу таасиринен сакташат. Көптөгөн изилдөөлөр сезгенүүнү ар кандай өнөкөт шарттарга, анын ичинде жүрөк оорулары жана диабет менен байланыштырышкан.

Мындан тышкары, көк чайдагы антиоксиданттар жаман холестеролдун кычкылдануусун алдын алат, бул сиздин кан тамыр жана жүрөк ооруларына чалдыгуу коркунучунан сактайт.  Окумуштуулар ошондой эле, ач карын ичкен шекерсиз көк чай кандагы канттын деңгээлин төмөндөтүүгө жардам берет деп ырасташат.