Уюшкан кылмыштуу топтун куралдуу мүчөсү кармалды

Уюшкан кылмыштуу топтун куралдуу мүчөсү кармалды.Кармалган адам укук коргоо органдарына маалымат берүүдөн баш тарткан.

Белгилүү болгондой, 2019-жылдын 25-апрелинде милиционерлерге Сокулуктун жашоочусу өзү менен курал алып жүргөндүгү туурасында маалымат берилген.

Новопавловка айылында жашаган адамдын жашаган үйүнө тинтүү жүргүзүлүп, анын "Лексус GХ-470" маркасындагы автоунаасынан номери өчүрүлгөн эки тапанча табылган.

"Автоунаанын ээси 1989-жылы Нарын облусунда туулган Т. Б. болгон, ал тапанчаларды кайдан алгандыгы туурасында укук коргоочуларга маалымат берүүдөн баш тарткан", - делет ИИБ маалыматында.

Тергөөнүн жүрүшүндө кармалган адам ИИМде УКТ мүчөсү катары катталуу экендиги белгилүү болгон. Учурда Сокулук райондук ИИБ тергөө кызматы тарабынан соттук-баллистикалык экспертиза дайындалып, сотко чейинки териштирүү иштери башталган.