Унааларды импорттоо жыл башынан бери 1,8 эсеге жогорулады

2021-жылдын январь-май айларында импорттук келип түшүүлөр 1 млрд 994,7 млн доллар болду. Бул тууралуу Улуттук статистикалык комитеттин материалдарында айтылганын “Барометр” билдирет.

Ведомство берген маалыматка таянсак, 2020-жылдын ушул мезгилине салыштырганда 2021-жылдын январь айынан май айына чейинки аралыкта импорттун көлөмү 40,5 пайызга жогорулаган.

Анын көлөмүнүн жогорулашы унааларды жана алардын тетиктерин алып келүүнүн 1,8 эсеге, жашылча-жемиштерди алып келүүнүн 1,6 эсеге, электр машиналары менен анын жабдууларын алып келүүнүн 1,5 эсеге жогорулашына байланыштуу болду.