Унаадан эч нерсе калбады. Токтогулда болгон жол кырсыгынан бир адам каза болуп, 6 киши оор абалда

Бишкек-Ош жолунда жол кырсыгы катталды. Бул тууралуу Өзгөчө кырдаалдар министрлигинин басма сөз кызматы кабарлаганын “Барометр” маалымдайт.

Аталган маалыматка таянсак, Жалал-Абад областында «Honda CR-V» менен «Mercedes-Benz Sprinter» унаасы кагышкан.

Кырсыктын кесепетинен 1956-жылы туулган С. Р. каза тапты.

Мындан тышкары 4 эркек, 2 аял жабыркады.

Окуя болгон жерге 5 куткаруучу барып, каза тапкан эркектин сөөгүн унаадан чыгарып, дарыгерлерге өткөрүп беришти.

Жабыркагандар Токтогул райондук ооруканасына жеткирилди. Алардын абалы оор.