Украина Жеңиш күнүн майрамдоодон баш тартты

Украина Жеңиш майрамын 9-майда белгилебейт. Бул тууралуу Украинанын тышкы иштер министри Вадим Пристайко “Украина 24” телеканалына берген маегинде айткан.

Ал расмий Киев Жеңиш майрамын 9-майда белгилебей турганын так айткан.

“Биз жалпы Европа континенти сыяктуу бул трагедиянын чыгышын 75 жылдан кийин түшүнүүгө даяр болдук. Андан сырткары бир-бирибизди кечирүүгө даярбыз. Дал ушул багыт боюнча майрамдоо керек”, — деди Пристайко.

Украинада 8-майда Эскерүү жана элдешүү күнү белгиленет. Бул майрам 2015-жылы мартта бекитилген.