UFC мушкери Антонина Шевченко учак сатып алганын айтты

UFC мушкери кыргызстандык Антонина Шевченко буга чейинки беттеште алган бонусун кайда коротконун айтты. Бул тууралуу UFC Russia сайтына шилтеме берип “Барометр” билдирет.

"Алган бонустардын баарын чогултуп учууларга коротуп жатам. Тактап айтканда, буга чейинки беттештерде алган сый акыларыма мыкты учак сатып алгам. Менин көптөн бери максат кылып жүргөн кыялым орундалды", — деген ал.  

Эске салсак, Антонина 2019-жылдын августунда жана 2020-жылдын ноябрындагы мелдештерде мыкты кармаш тартуулагандыгы үчүн 50 миң доллардан бонус алган болчу.

16-майда АКШнын Хьюстон шаарында UFC 262 мелдеши болуп өтөт. Анда Антонина Шевченко промоушендин алкагында алтынчы беттешине чыгат. Анын атаандашы Андреа Ли.